Wani dattijo dan shekara 65 mai neman saki, Mista Akinola Ikudola, a ranar Alhamis ya fada wa Kotun Igando da ke Legas cewa matarsa ta dauki ciki ga wani mutum yayin da suke zaune tare.
“Lokacin da ta sanar da ni game da cikin, sai na karyata saboda ban kwanta da ita ba amma na kyale ta ta zauna don sanin wane mahaifin yaron.
“Lokacin da take nakuda, ta ki zuwa asibiti, ta haihu a gida amma jaririn ya mutu,” in ji mai shigar da karar.
Akinola ya kara da cewa matar ta tsawon shekaru 21, Funsho, koyaushe tana satar kudin sa.
Ya kuma ce Funsho ta kyale yaransu biyu da suka haifa sun zama bata gari.
“Yarinyarmu ta fari, wacce ta kammala makarantar sakandare, koyaushe tana kawo maza gida; duk lokacin da na umarci matata da ta yi mata gargaɗi, se tayi fada dani.
“Funsho ta ba ta izinin yin watanni uku tare da saurayinta ba tare da yardar ta ba, yarinyar tana da ciki a halin yanzu,” in ji shi.
A cewarsa, Funsho koyaushe tana yiwa rayuwarsa barazana ta hanyar cewa rayuwarsa tana hannunta.
Mai shigar da karar ya roki kotu da ta raba aurensu, yana mai cewa baya kaunar Funsho.
Da take amsawa, Funsho ta yarda da rusa auren, inda ta zargi Akinola da neman Mata duk da yana da aure.
Yana yawo tare da mata daban-daban.
‘matar mai shekaru 56 ta ce ta taba bugar da Akinola sannan ta yi masa fyade saboda baya kwanciya da ita
“Na ba shi giya mai yawa fiye da kima kuma na yi masa fyade.
“Wannan lamarin ya haifar da daukar ciki amma ya musanta.
“Na haihu a cikin gidan kuma jaririn ya mutu ne saboda mijina ya ki ba ni kudin kula da cikina.
Ta ce: “Shekaru bakwai kenan yanzu rabonda ya kwanta dani.”
A cewarta, tana satar kudin mijin ne saboda yana da rowa.
Ta kara da cewa “Mijina ba ya kulawa da yaranmu da kuma ni, a koyaushe yana cewa yaran za su tuna da ni ne kawai idan suka yi nasara a nan gaba.”
Wadda ake kara ta ce yaran sun kasance Bata gari ne saboda mahaifinsu yana nuna musu kiyayya.
Mai shari’ar, Mista Adeniyi Koledoye, ya dage sauraron karar har sai ranar 2 ga watan Fabrairu don yanke hukunci.
No comments:
Post a Comment