Gwamnati ba za ta dawo da Diezani Najeriya ba - Inji Malami

Majiyarmu ta tabbatar da cewar, Malami, a wata ganawa da manema labarai a harshen Hausa a fadar shugaban kasa, Abuja, ya ce ba za a yi hakan ba tun da Ingila na bincikar tsohon ministan. Alison-Madueke ta bukaci babban kotun tarayya a Legas cewa ta tilasta AGF ya dawo da ita Najeriya daga Birtaniya, inda ta yi tafiya zuwa jim kadan bayan barin ofishin a shekarar 2015.
Ta ce ta so ta bayyana a kotun Najeriya don kare laifin cin hanci da aka yi zargi ta aikata na naira miliyan 450, inda aka ambaci sunanta. Amma Malami ya ce gwamnatin Birtaniya ta riga ta dauki matakan da ta dace kan batun. Ministan ya ce idan gwamnatin tarayya ta ga dalilin da zai sa a dawo da tsohon ministan, ba za ta jinkirta yin haka ba. Malami ya ce gwamnati ta na kokari wajen magance cin hanci da rashawa a Najeriya da waje.