Ɗan Shekaru 23 Ya Kashe Abokinsa Kan Saniya A Kebbi

Wani ɗan shekaru 23 mai suna Umar Muhammad a halin yanzu yana ga hannun rundunar da ‘yan sanda Jihar Kebbi saboda zarginsa da ya kashe abokinsa, Mustapha Muhammad mai shekaru 22 da haihuwa akan ɓacewar shanuwar da ke a hannunsa. Ana tuhumar shi da kashe abokinsa yayin da yake kwance a ƙarƙashin wasu itace a yankin inda suka ɗauki shanun don cin abinci a dajin Ƙaramar Hukumar mulki ta Kalgo a jihar ta Kebbi. Ɗan uwar marigayin wanda ya yi magana da LEADERSHIP A Yau a kan kashewar da aka yi wa Mustapha, ya ce Mustapha da Umar sun Ƙasance abokai har tsawon shekaru shida. Ya ce: “Mustapha shi ne wanda ya gayyaci wanda ake tuhumar don taimakawa wajen Kula da shanun da aka ba shi don ya dawo gida domin ya iya kula da tumaki da ke a gida. Ya ƙara da cewa, wannan matsala ta faru tsakanin abokansu lokacin da marigayin ya lura cewa ɗaya daga cikin shanu a cikin garken ya ɓata kuma ya fuskanci Umar inda yake. Duk da haka loKacin da bai iya ba da bayani mai mahimmanci game da ɓace shanuwar ba, marigayi Mustapha ya yi barazanar sanar da mai shanun. Har ila Yau ya ƙara da cewa, wanda ake tuhumar da shi da marigayin ne suka fita a ranar Juma’a na makon da ya gabata don ziyartar abokinsa zuwa gidan da ba shi da lafiya tare da shi har Kalgo inda suke yawan hutawa a ranar kuma sun kai masa hari wanda shi mahaifin yana tare da wani gatari. Hakazalika ɗan uwar marigayin ya ce: “Ya yi amfani da gatarin da yake tare da shi wajen yanke abokinsa mai suna Mustapha a yayin da yake hutawa kusa da wani itace, ya koma gida ba tare da abokinsa ba, kuma bayan ya dawo gidan sai ya yi wanka, amma sai suka tambaye shi game da Mustapha sai ya faɗa musu cewa ya bar shi a cikin daji. Bugu da ƙari ya ƙara da cewa, sun fara neman marigayi Mustapha kuma sun gano gawar jikin Mustapha , inda ya ajiye shi har zuwa kwanaki biyu bayan da ya kashe shi. Domin jin ta bakinn rundunar ‘yan Sandan jihar ta Kebbi wakilinmu ya samu zantawa da mai magana da yawun rundunar ta ‘yan sandan jihar Kebbi, DSP Mustapha Suleiman, ya ce, a jiya ne wanda ake zargin mai suna Umar Muhammad aka cafke shi kuma a halin yanzu yana nan an tsare shi domin fara binciken sa kan tuhumar Kisa da ya aikata.